Денеска САД започнаа да испраќаат официјални писма кон своите трговски партнери, во кои се наведени детали за новите царински мерки и трговски договори, најави американскиот претседател Доналд Трамп.
Уште во април беше најавено воведување основна царина од 10 проценти за речиси сите увозни производи, како и дополнителни "реципрочни" царини за земји кои имаат трговски дефицит со САД. Овие мерки беа привремено стопирани за период од 90 дена, рок кој истекува на 9 јули.
Писмата со договори или нови царини ќе бидат испратени до различни држави во светот од понеделник на пладне (16:00 часот по Гринич)," соопшти Трамп на платформата Трут Соушл.
Тој нагласи дека очекува до 9 јули да заврши процесот со повеќето земји – или преку официјално писмо или преку договор. Министерот за трговија, Хауард Латник, додаде дека новите царини ќе почнат да се применуваат од 1 август. Основната цел на овие мерки, според изјавите од Белата куќа, е другите држави да ги намалат бариерите за пристап на американските производи на нивните пазари.
© Vecer.mk, правата за текстот се на редакцијата
