Началникот на Сумиската област Олег Григоров изјави на Телеграм дека жителите се повредени и дека евакуациите од оштетените згради се во тек.
„Најмалку три лица се повредени во Суми како резултат на непријателски напади“, напиша Григоров, додавајќи дека сите надлежни служби работат на отстранување на последиците од нападот.
Според него, руските сили користеле дронови за да нападнат станбена зона во округот Зарични, каде што избувнал пожар на горните катови од зграда.
Вршителот на должноста градоначалник Артем Кобзар изјави дека е регистриран уште еден удар во двор во истата област.
Според претходните извештаи, вчера руски дрон погоди и трговски центар во Суми, при што беа повредени две лица.
© Vecer.mk, правата за текстот се на редакцијата
