- Екипажите на бродовите изведоа низа вежби во согласност со нивната главна задача – откривање подморници и користење противподморничко оружје, се наведува во соопштението.
Според информациите, нуклеарните подморници на флотата маневрирале со површинските бродови, а во вежбата учествувале и противподморнички хеликоптери Ка-27.
За време на обуката, екипажите на големите противподморнички бродови извршиле торпеден напад на симулирана непријателска подморница.
- Гаѓањето на подводна цел беше изведено со вежбовна муниција – обично торпедо без боева глава, кое екипажот на торпедниот чамец по борбената вежба го откри и го извади од водата. Потоа, морнарите извршија гаѓање со ракетно и бомбардерско вооружување на бродовите, објасни прес-службата.
Подрачјето каде што се одвиваше вежбата беше претходно затворено за бродски и воздушен сообраќај.
Според официјални податоци, Северната флота е единица на Вооружените сили на Русија која ги штити националните интереси на Русија на Арктикот и други делови на Светскиот Океан. Подморничките сили на Северната флота се сметаат за најмоќна единица на нуклеарни подморници во руската морнарица.
© Vecer.mk, правата за текстот се на редакцијата
