Зборувајќи на прес-конференција во Ерусалим, Рубио рече дека американскиот претседател Доналд Трамп останува посветен на тие цели, објавува „Тајмс оф Израел“.
Рубио нагласи дека Иран им се заканува не само на Израел и САД, туку и на сојузниците во Персискиот Залив и Европа. Тој рече дека нуклеарниот Иран е „неприфатлив ризик“ за светот.
Em Jerusalém, Rubio diz que Hamas precisa deixar de existir; Netanyahu não descarta novos ataques https://t.co/DMCIo63l0V
— Folha de S.Paulo (@folha) September 15, 2025
Рубио го критикуваше Хамас за неговото „неспоредливо варварство“ и додаде дека народот на Газа не може да има мир или подобра иднина сè додека Хамас не биде разоружан и сите заложници не бидат вратени дома.
„Фокусирани сме на тоа што ќе се случи следно“, рече американскиот државен секретар Марко Рубио, осврнувајќи се на израелскиот напад во Доха минатата недела.
Рубио отпатува во Израел за да му го пренесе на израелскиот премиер Бенјамин Нетанјаху незадоволството на САД од неодамнешниот израелски напад врз Доха, Катар, за тврдењата дека целта бил седиштето на Хамас. Пред состанокот, Рубио најави дека ќе разговара со Нетанјаху за воените планови на Израел за освојување на Газа, како и за намерата на Израел да анектира делови од окупираниот Западен Брег.
© Vecer.mk, правата за текстот се на редакцијата
