Според соопштението, дроновите лансирани од Руската Федерација биле насочени кон украинските пристаништа на реката Дунав, кои се наоѓаат во близина на границата со Романија. Населението во северниот дел на романскиот округ Тулча било предупредено преку порака испратена од системот РО-Алерт (RO-Alert) дека е можно да паднат објекти од воздушниот простор. Предупредувањето било испратено околу 12 часот по романско време, а тревогата во меѓувреме е веќе укината.
Во врска со случајот, биле подигнати два борбени авиони F-16 од 86-та авиобаза во Фетешт за да ја надгледуваат граничната зона со Украина во северниот дел на округот Тулча.
Според податоците на Инспекторатот за вонредни ситуации во Делта (ISU), цитирани од „Аџерпрес“, никој не се јавил на единствениот број за итни повици 112 за да пријави инциденти за време на тревогата.
© Vecer.mk, правата за текстот се на редакцијата
