Побарувачката доведе до огромен пораст на лажни Лабубу, или Лафуфу, како што често се нарекуваат, на пазарот, објави Би-Би-Си.
Досега оваа година, на границата со Велика Британија се запленети неверојатни 259.000 лажни играчки, во вредност од повеќе од 3,5 милиони фунти.
Од предметите запленети пред да стигнат до јавноста, 90% биле фалсификувани кукли Лабубу, што ја одразува континуираната популарност на трендот. За жал, овие фалсификати може да се разликуваат од оригиналот не само по изглед, туку и по состав.
Загрижувачки е што 75% од запленетите фалсификувани играчки не ги поминале тестовите за безбедност и е утврдено дека содржат забранети хемикалии и се опасност од задушување, додека 46% од оние што ги купиле пријавиле сериозни безбедносни проблеми.
Заводот за интелектуална сопственост (IPO) откри дека некои фалсификувани играчки содржат забранети хемикалии поврзани со можен рак, како и опасност од задушување.
Истата анкета покажала дека иако 92% од купувачите на играчки во Велика Британија се свесни за фалсификуваните производи, а заштедата на пари во моментов им е поважна од безбедноста.
© Vecer.mk, правата за текстот се на редакцијата
