Путин ќе биде придружуван од делегација министри, бизнис лидери и високи функционери, вклучувајќи ја и шефицата на централната банка Елвира Набиулина и раководители на големи енергетски компании како што се „Газпром“ и „Роснефт“, соопшти Кремљ.
Поради западните санкции воведени како одговор на војната на Русија против Украина, овие олигарси станаа зависни од Кина како трговски партнер.
Посетата доаѓа неколку дена откако американскиот претседател Доналд Трамп ја заврши државната посета на Кина. Иако се очекува Си да го информира Путин за разговорите, претставници на Кремљ изјавија дека посетата била планирана однапред и не е директен одговор на посетата на Трамп.
Разговорите меѓу Путин и Си се закажани за среда и ќе се фокусираат на понатамошен развој на она што двете страни го опишуваат како привилегирано стратешко партнерство, како и на регионални и меѓународни прашања. Според Кремљ, лидерите ќе потпишат заедничка декларација и серија билатерални договори.
© Vecer.mk, правата за текстот се на редакцијата
