Доколку Мерц се јави и сака да разговара, Путин рече дека ќе се јави. „Секогаш сме отворени за ова“, изјави тој за ДПА.
Во исто време, Путин го предупреди Мерц за „многу сериозна штета“ на односите на Германија со Русија доколку Берлин испрати крстосувачки ракети „Таурус“ во Украина.
-Бидејќи системот „Таурус“ се потпира на офицери од Бундесверот и сателитски податоци, неговата употреба би значела директно вклучување на Германија во војната во Украина, рече Путин за време на состанокот со претставници на големите новински агенции на маргините на Меѓународниот економски форум во Санкт Петербург.
Путин тврдеше дека испраќањето на ракетите нема да помогне, бидејќи руската армија има предност по целата фронтова линија, а Украина снабдена од „Таурус“ нема да го промени напредувањето на руските трупи, рече Путин.
-Руските трупи имаат стратешки предности во сите правци. Нашите вооружени сили напаѓаат по целиот фронт, рече Путин.
© Vecer.mk, правата за текстот се на редакцијата
