Полициските службеници пронајдоа „мрачна сцена“ кога одговорија на повиците за пукање во паркот Хари Тод во Лејквуд во државата Вашингтон, соопшти локалната полиција, пренесува ABC News.
Пет лица се однесени во болници со брза помош, додека две лица побарале медицинска помош сами. Истражителите не знаат колку луѓе биле застрелани или дали пукањето било случајно или целно.
#MassShooting at #HarryToddPark in #Lakewood #Washington left 7 injured with 3 in critical condition[Hospitalized].Investigations are in progress as the #ShootOutSuspect & motive eludes. pic.twitter.com/hD7ovYntNT
— Dr. Subhash (@Subhash_LiveS) May 29, 2025
Засега никој не е уапсен. Повеќе од 100 луѓе биле во паркот, кој се наоѓа во близина на Американ Лејк, кога се испукани истрелите, соопшти полицијата.
Инцидентот се случил неколку дена по пукотницата на Денот на сеќавањето во парк во Филаделфија, во кое загинале две лица, а девет биле ранети.
© Vecer.mk, правата за текстот се на редакцијата
