Безбедносната агенција во Сао Паоло соопшти дека во вторникот дошло до размена на оган меѓу полицијата и патниците во сомнително возило, од кои четворица се ранети.
По пристигнувањето на местото на настанот Брзата помош констатирала смрт на три лица, а четвртото лице е хоспитализирано. Локалниот медиум Г1 објави дека лицето исто така починало, но Секретаријатот за јавна безбедност не ја потврдиле смртта, пренесува АП.
Воената полиција од возилото запленила три огнени оружја заедно со муниција, а лицата се осомничени дека извршиле кражби на куќи.
Официјални лица на Сао Паоло изјавија дека цивилната полиција го истражува инцидентот, а демонстрантите подоцна запалија автобус во Сао Паоло.
Надзорните тела го осудија порастот на полициското насилство откако гувернерот на државата Сао Паоло Тарчицио де Фреитас ја презеде функцијата на почетокот на 2023 година.
Во текот на изминатата година, воената полиција на Сао Паоло убила 769 луѓе, што е зголемување за 67 отсто во споредба со 460 убиства во 2023 година, според податоците на јавното обвинителство на Сао Паоло.
© Vecer.mk, правата за текстот се на редакцијата
