Во соопштението се вели дека апсењата се извршени во 47 провинции, а меѓу приведените има лица осомничени за финансирање на ИСИС, како и лица за кои се верува дека претходно биле активни во организацијата.
„За мирот, единството и солидарноста на нашата нација, неуморно продолжуваме со нашите операции, дење и ноќе, 365 дена во годината“, се вели во соопштението на министерството, наведувајќи дека деталите за националноста на уапсените не се објавени, пренесе АП.
Турција претходно спроведе слични операции против членови на ИСИС, која изврши неколку смртоносни напади во земјата, вклучително и пукање во ноќен клуб во Истанбул на новогодишната ноќ 2017 година, кога беа убиени 39 лица.
Turkey’s Interior Ministry: 324 Suspected ISIS Members Arrested pic.twitter.com/HjgNFu9U6q
— ME24 - Middle East 24 (@MiddleEast_24) May 13, 2026
Во декември минатата година, избувна вооружена престрелка меѓу членовите на ИСИС и полицијата во северозападна Турција, при што загинаа тројца полицајци и шест екстремисти.
Минатиот месец, тројца напаѓачи отворија оган врз полицијата пред израелскиот конзулат во Истанбул, што доведе до престрелка во која еден напаѓач беше убиен.
Извор: Б92
© Vecer.mk, правата за текстот се на редакцијата
