Централната изборна комисија (ЦИК) покрај Лукашенко регистрираше уште четворица претседателски кандидати: претседателот на Републиканската партија на трудот и правдата Александар Хижњак, претседателот на Либерално-демократската партија на Белорусија Олег Гајдукевич, претприемачката Ана Канапатска и првиот секретар на Централниот комитет на Комунистичката партија на Белорусија, Сергеј Сиранков.
Врз основа на резултатите од предизборните анкети, 82,5 отсто од Белорусите ќе гласаат за актуелниот претседател Александар Лукашенко.
ЦИК соопшти дека се акредитирани 456 меѓународни набљудувачи од 49 земји ширум светот, вклучително и 15 европски земји, како и земји од Африка, Азија, Латинска Америка и Заедницата на независни држави (ЗНД).
Во резолуцијата за Белорусија усвоена во средата, европратениците ги повикаа земјите од Европската унија да не ги признаваат резултатите од претседателските избори во таа земја и повикаа на проширување на санкциите против Минск.
Европскиот парламент на својата веб страница ја потврди својата поддршка за белорускиот народ во неговата борба за демократија и човекови права и повика на „одржување слободни и фер избори во Белорусија“.
© Vecer.mk, правата за текстот се на редакцијата
