Без договор завршија разговорите што се одржаа во Катар помеѓу претставници на Хамас и Израел за можен прекин на огнот. Двајца палестински извори информираат дека првата рунда на индиректни преговори во Доха била неуспешна, бидејќи израелската делегација, според нив, немала потребни овластувања за да договорат решение со Хамас.
Истите извори наведуваат дека разговорите продолжиле и вчера, веднаш пред третата посета во изминати шест месеци на израелскиот премиер Бенјамин Нетанјаху на Белата куќа.
Нетанјаху, во пресрет на заминувањето за Вашингтон, истакна дека израелскиот тим за преговори има јасни упатства да постигне договор за прекин на огнот само доколку се исполнети условите кои ги бара Израел.
© Vecer.mk, правата за текстот се на редакцијата
