На дневен ред на состанокот како што објавија украинските власти бил и предлогот за заштита на енергетските објекти и критичната инфраструктура.
Состанок инаку, претходи на разговорите меѓу делегации на САД и на Русија закажани за денеска, исто така, во Саудиска Арабија. Вчерашните и денешните состаноци доаѓаат по низа одвоени разговори на американците со украински и руски претставници во кои Киев го прифати предлогот на САД за 30-дневен прекин на огнот.
Соединетите Американски Држави се надеваат дека ќе се постигне широко примирје во рок од неколку недели, надевајќи се на мировен договор до 20 април, објави „Блумберг“, повикувајќи се на добро информирани извори во процесот.
© Vecer.mk, правата за текстот се на редакцијата
