Поранешниот австриски канцелар Себастијан Курц изјави дека ЕУ мора да продолжи да инсистира на мирно решавање на конфликтот во Украина, бидејќи „поразот не е опција за Путин“.
Курц за германскиот весник „Билд ам Зонтаг“ изјави дека е сосема јасно оти сите сакаат Украина да победи, но истакна дека поразот воопшто не е опција за рускиот претседател Владимир Путин.
Според него, во ситуација кога на светот му се заканува нуклеарен конфликт меѓу светските сили, ЕУ мора да инсистира на мировни процеси.
„Во овој момент најважно е да се запре крвопролевањето и да се постигне мирно решение на преговарачка маса за да се спречи уште поголем конфликт“, рече Курц.
© Vecer.mk, правата за текстот се на редакцијата
