Според локалните медиуми, напаѓачот е 61-годишен маж кој откако ги убил своите поранешни колеги од фирмата за обезбедување, си го одзел животот. Полицијата сè уште официјално не ги потврдила деталите за пукањето.
На социјалните мрежи се појави видео од маж за кој се сомнева дека е одговорен за пукањето на прометен пазар во Бангкок, во кое загинаа најмалку четири лица.
Напаѓачот отворил оган среде толпа, а камерите за надзор го снимиле моментот кога влегол, како и истрелите што следеле. Видеото го прикажува и моментот кога извршил самоубиство.
UPDATE:
— Open Source Intel (@Osint613) July 28, 2025
At least five victims were killed and three others injured after a gunman opened fire at Or Tor Kor market in Bangkok, Thailand. The suspect is deceased.pic.twitter.com/4aMwB261jU
Првично, медиумите објавија дека сторителот е во бегство, што предизвика итна потрага и евакуација на пазарот, но подоцна се дозна дека напаѓачот си го одзел животот на местото на настанот.
Некои локални портали објавија и негова слика, на која се гледа маж облечен во црна маица, камуфлажни шорцеви, бела капа и ранец што му виси од предниот дел.
Голем број безбедносни сили се на местото на настанот, додека градот е делумно блокиран.
© Vecer.mk, правата за текстот се на редакцијата
