Операцијата е започната откако првично беа уапсени 10 осомничени за шверц на дијаманти во Турција, објави Си-Ен-Ен Турк.
Полицијата, постапувајќи по наредба од Канцеларијата на главниот обвинител на Истанбул, изврши рација во 23 бизниси во чаршијата во историскиот дел на градот и уапси 40 лица.
Полицијата заплени вкупно 135 скапоцени камења, 1.132 прачки од скапоцени метали и 267 историски антиквитети во вредност од 1,25 милијарди турски лири (30,5 милиони долари).
Во истата операција беа запленети и огнено оружје и дигитален материјал. Капали чаршијата е една од најпосетуваните туристички дестинации во светот и е место на илјадници мали продавници, потсети АП.
Големиот покриен пазар го изградил султанот Мехмед II кратко откако го освоил Истанбул и го презел од Византиската империја.
Сепак, Капали чаршија често е цел на полицијата, а во април истражителите го испитаа работењето на компанија што се занимава со девизи и скапоцени метали поради сомневања за перење пари, потсети американската агенција.
© Vecer.mk, правата за текстот се на редакцијата
