Денеска попладне во просторот за преземање багаж на меѓународниот аеродром Сон Сан Хоан на Мајорка, дел од покривот се сруши.
Стаклени фрагменти и друг градежен материјал завршија на подот во моментот кога во аеродромот имаше многубројни патници, со оглед на туристичката сезона и зголемената посетеност на островот.
И покрај сериозноста на инцидентот, нема повредени лица. Најмногу штета е направена врз автоматите за храна и пијалоци во делот за поаѓање.
По настанот, надлежните веднаш ја обезбедија областа, а патничкиот сообраќај беше пренасочен кон други премини заради безбедност.
© Vecer.mk, правата за текстот се на редакцијата
