Телото на починатиот поглавар на Римокатоличката црква, папата Франциск, ќе биде однесено во базиликата Свети Петар во среда во 9 часот, соопшти денеска Ватикан.
Телото на папата Франциск во моментов е изложено во капелата на Каза Санта Марта, каде што живеел во текот на неговите 12 години како поглавар на Римокатоличката црква.
Папскиот погреб традиционално е сложен процес, но папата Франциск неодамна ги одобри плановите за поедноставување на целата процедура за неговиот погреб.
Франциск исто така ќе биде првиот папа по повеќе од еден век кој ќе биде погребан надвор од Ватикан - неговите посмртни останки ќе бидат положени во базиликата Света Марија Маџоре, една од четирите главни папски базилики во Рим.
© Vecer.mk, правата за текстот се на редакцијата
