Пакистанските власти денеска почнаа акција за насилно враќање на речиси еден милион авганистански бегалци, соопштија официјални лица, игнорирајќи ги повиците на глобалните групи за човекови права да ги поштедат оние кои би биле изложени на ризик од прогон од талибанскиот режим.
- Полицијата сега ги апси и ги префрла Авганистанците во кампови пред да ги испрати на границите, рече претставникот на Министерството за внатрешни работи Зулкифал Хусеин, бидејќи рокот за доброволно враќање во татковината истекува оваа недела.
Како што пренесе ДПА, најмногу апсења биле извршени во северозападната провинција Хајбер-Пахтунхва, но некои семејства биле префрлени во камповите од главниот град Исламабад и блискиот град Равалпинди, изјави портпаролот на полицијата Мохамед Наем.
Пакистан ја почна принудната репатријација на Авганистанците без документи во ноември 2023 година, а оттогаш речиси 900.000 луѓе се депортирани, според официјални податоци.
© Vecer.mk, правата за текстот се на редакцијата
