„Ја цениме подготвеноста на претседателот Трамп да ги поддржи напорите за решавање на спорот со Џаму и Кашмир“, се вели во соопштението на пакистанското Министерство за надворешни работи.
Повторувајќи го својот долгогодишен став, Пакистан соопшти дека трајното решение мора да се базира на резолуциите на Советот за безбедност на ОН и правото на жителите на Кашмир за самоопределување.
Претходно, претседателот Трамп го пофали раководството на двете земји за „историското и херојско“ примирје.
„Ќе соработувам со двете страни за да видам дали може да се дојде до решение за Кашмир по „илјадници години“, објави Трамп на социјалните мрежи.
© Vecer.mk, правата за текстот се на редакцијата
