Осум турски војници трагично ги загубија животите како резултат на труење со метан гас за време на акција за пребарување во една пештера во северниот дел на Ирак, информира Министерството за одбрана на Турција.
Настанот се случил при обид да се лоцира телото на војник што претходно настрадал за време на воени операции против Курдистанската работничка партија (ПКК).
Според истите информации, уште единаесет војници кои се нашле во близина на изворот на гасот се хоспитализирани и добиваат соодветна медицинска нега.
© Vecer.mk, правата за текстот се на редакцијата
