Во говорот на Конзервативната политичка акциона конференција (CPAC) во Будимпешта, Орбан рече дека патриотската агенда, за разлика од „провоениот, либерален план, е првенствено фокусирана на мирот“, објави MTI.
„Сакаме христијанска култура, училишта на национални темели, улици и населби без страв и сакаме да бидеме горди на нашите нации - тоа е планот на патриотите“, рече Орбан.
Тој додаде дека патриотите сакаат суверенитет и ги отфрлаат заедничките даноци и заедничките заеми, како и испраќање „наши пари во трета земја во војна“.
Унгарскиот лидер, исто така, повика на заштита на слободите, велејќи дека „слободите на политиката, мислата и мислењето мора да им се вратат на луѓето“, додавајќи дека „сакаме да си ја вратиме Европа од мигрантите“.
Орбан рече дека „најголемиот проблем со Брисел не е тоа што е управуван од либерали, прогресивни бирократи, туку тоа што е провоено ориентиран“, додека САД, како што рече, конечно се залагаат за мир.
© Vecer.mk, правата за текстот се на редакцијата
