Обвинител на специјален трибунал во Бангладеш, Таџул Ислам побара смртна казна за соборената премиерка Шеик Хасина Вазед, кој е обвинета за злосторства против човештвото извршени за време на масовните немири минатата година, што ја принудија да ја напушти земјата.
За време на протестите во јули и во август минатата година убиени се стотици луѓе, меѓу кои и студенти, припадници на безбедносните сили и политички активисти.
Главниот обвинител во Меѓународниот суд за воени злосторства во Дака, Ислам, исто така, побара смртна казна за поранешниот министер за внатрешни работи Асадузаман Кан поради сериозноста на неговите злосторства.
Хасина е во егзил во Индија откако избега од земјата на 5 август минатата година. Се претпоставува дека и Кан е во Индија.
Добитникот на Нобелова награда за мир, Мухамед Јунус, кој раководи со привремена влада на Бангладеш, вети дека Хасина и ќе биде казнета, а нејзината партија Народна лига ќе биде забранета.
Судот во Бангладеш минатата недела издаде налози за апсење на околу 20 армиски офицери осомничени за вмешаност во киднапирањето и присилното исчезнување на многу членови на опозицијата за време на владеењето на поранешната премиерка.
© Vecer.mk, правата за текстот се на редакцијата
