Според извештајот покрај Македонија, засегнатите земји се Авганистан, Албанија, Алжир, Антигва и Барбуда, Ерменија, Азербејџан, Бахами, Бангладеш, Барбадос, Белорусија, Белизе, Бутан, Босна, Бразил, Бурма, Камбоџа, Камерун, Зелен ’Рт, Колумбија, Брегот на Слоновата Коска, Куба, Демократска Република Конго, Доминика, Египет, Еритреја, Етиопија, Фиџи, Гамбија, Грузија, Гана, Гренада, Гватемала, Гвинеја, Хаити, Иран, Ирак, Јамајка, Јордан, Казахстан, Косово, Кувајт, Киргистан, Лаос, Либан, Либерија, Либија, Молдавија, Монголија, Црна Гора, Мароко, Непал, Никарагва, Нигерија, Пакистан, Република Конго, Русија, Руанда, Свети Китс и Невис, Света Луција, Свети Винсент и Гренадини, Сенегал, Сиера Леоне, Сомалија, Јужен Судан, Судан, Сирија, Танзанија, Тајланд, Того, Тунис, Уганда, Уругвај, Узбекистан и Јемен.
Фокс њуз објави дека меморандумот им наложува на американските амбасади да одбијат визи во согласност со постојниот закон, додека Стејт департментот ги разгледува постојните правила.
Од Си-Ен-Ен појаснуваат дека суспензијата се однесува на имигрантските визи, како што се оние за вработување во САД. Паузата не се однесува на неимигрантските визи како што се студентските и туристичките визи, и како таква нема да важи за оние кои сакаат да патуваат на Светското првенство во САД ова лето.
Заканите на Трамп
Суспендирањето на обработката на имиграциски визи се вклопува во строгата имиграциска политика што републиканскиот претседател на САД, Доналд Трамп, ја спроведува откако ја презеде функцијата во јануари минатата година.
Во ноември, Трамп вети дека „трајно ќе ја запре“ имиграцијата од сите „земји од третиот свет“ откако авганистански државјанин отвори оган во близина на Белата куќа, убивајќи еден припадник на Националната гарда.
На многу авганистански државјани кои аплицирале за азил во САД во 2021 година им биле доделени специјални имигрантски визи наменети за оние кои работеле заедно со американската војска за време на нејзината 20-годишна војна.
© Vecer.mk, правата за текстот се на редакцијата
