Американскиот претседател Доналд Трамп испрати нова група писма до шест држави, информирајќи ги дека ќе бидат воведени дополнителни царини за увоз на нивните производи во САД.
Писмата биле адресирани до Алжир, Султанат Брунеи, Ирак, Либија, Молдавија и Филипини. За производите од Алжир, Либија и Ирак ќе бидат воведени царини од околу 30 проценти, додека за Молдавија и Брунеи тарифите ќе бидат 25 проценти, а за увозот од Филипини 20 проценти.
Оваа мерка претставува продолжение на стратегијата на Трамп, кој веќе започна да испраќа вакви известувања до земјите кои имаат трговски суфицит со САД. Новите, повисоки царини ќе почнат да важат од 1 август, што ќе означи нова, поостра фаза во трговските тензии помеѓу САД и дел од останатиот свет.
© Vecer.mk, правата за текстот се на редакцијата
