На форумот во Лондон, амбасадорот на Нов Зеланд, Фил Гоф даде коментари кои се чини дека го доведуваат во прашање разбирањето на Трамп за историјата, мислејќи на споредбата со постапките на британскиот воен премиер Винстон Черчил, кој се спротивстави на нацистичка Германија.
-Претседателот Трамп ја врати бистата на Черчил во Овалната соба. Но, дали мислите дека тој навистина ја разбира историјата, праша Гоф за време на заедничката дискусија со финската министерка за надворешни работи, Елина Валтонен.
Питерс во денешното соопштение рече дека коментарите на амбасадорот на Нов Зеланд во Велика Британија се „длабоко разочарувачки“.
-Тие не ги одразуваат ставовите на владата на Нов Зеланд, рече вицепремиерот и министер за надворешни работи на земјата.
Гоф, поранешен министер за надворешни работи и пратеник на Лабуристичката партија на Нов Зеланд, беше назначен за амбасадор во Велика Британија во 2023 година.
© Vecer.mk, правата за текстот се на редакцијата
