Премиерот на Гренланд, Јенс-Фредерик Нилсен денеска во обраќање пред данскиот Парламент предупреди дека официјален Вашингтон и натаму суштински планира да воспостави контрола врз Гренланд иако американскиот претседател Доналд Трамп ја исклучи можноста за употреба на воена сила.
„Ставот на Трамп за Гренланд и неговите жители не се променил - Гренланд мора да биде поврзан со САД, а управувањето со Гренланд мора да биде во надлежност на САД“, предупреди Нилсен пред данскиот Парламент, посочувајќи дека САД продолжуваат да бараат „начин да стекнат сопствеништво и контрола врз Гренланд“.
На почетокот на годината, претседателот Трамп го засили притисокот и реториката за американската контрола врз Гренланд.
© Vecer.mk, правата за текстот се на редакцијата
