Израелскиот премиер Бенјамин Нетанјаху изјави дека нема да има граѓанска војна во земјата, откако поранешен главен судија на Врховниот суд на Израел изрази загриженост дека земјата оди во таа насока поради владините напори да го смени директорот на безбедносната служба Шин Бет, Ронан Бар.
„Државата Израел е правна држава и според законот, израелската влада одлучува кој ќе биде шеф на Шин Бет“, рече Нетанјаху.
Критичарите тврдат дека владата што ја сметаат за одговорна за нападот на Хамас на 7 октомври не треба да биде таа што ќе го замени Барак и стравуваат дека Нетанјаху ќе назначи лојалисти на чело на агенцијата, пишува „Тајмс оф Израел“.
🚨Benjamin Netanyahu (@netanyahu):
— Irene Rusman (@irusman) March 21, 2025
🚨 There will be no civil war!
The State of Israel is a nation of law, and according to the law, the Israeli government decides who will be the head of the Shin Bet.
Shabbat Shalom. https://t.co/krF14qSW5W
Претходно денеска, израелскиот Врховен суд издаде налог за привремено запирање на смената на директорот на Шин Бет, Ронан Бар, што дури ни владата на премиерот Бенјамин Нетанјаху не можеше да се обиде да го оспори.
Последниот работен ден на Бар е закажан за 10 април, а разрешувањето ќе биде забрзано од првично планираниот датум на 20 април, иако кабинетот на Нетанјаху вели дека Бар може да биде разрешен пред тој датум доколку министрите го одобрат назначувањето на нов шеф на агенцијата.
© Vecer.mk, правата за текстот се на редакцијата
