„Шпигел“ наведува дека од причини за заштита на податоците, на списокот не се дадени дополнителни информации, во согласност со административните прописи што го регулираат затворскиот систем.
Во покраината Саксонија, видот на сместување во женски или машки затвор зависи исклучиво од соодветниот поправен дом, а родовиот идентитет на трансродовите лица евидентирани во регистарот не е единствениот критериум, објавува германскиот дневен весник.
„Нема автоматски процес“, соопшти саксонското Министерство за правда како одговор на барањето на „Шпигел“.
Der Fall Marla Svenja Liebich sorgt weiter für Aufregung. CSU-Innenminister Dobrindt dringt auf eine Anpassung des Gesetzes: »Die Justiz, die Öffentlichkeit und die Politik werden hier zum Narren gehalten.«https://t.co/EvlfUwS72d
— DER SPIEGEL (@derspiegel) August 24, 2025
Единствениот приоритет е безбедноста и заштитата на засегнатото лице, како и на другите затвореници, а во случај на сомнеж, ќе се добијат психолошки и медицински извештаи, соопшти германското министерство. Во Кемниц моментално има околу 230 затворенички, претежно во самица.
Марла-Свенја Либих е осудена на 18 месеци затвор за поттикнување омраза, кривична навреда и нелегален влез, како и за, меѓу другото, обид за продажба на бејзбол палка преку интернет како „помош при депортација“.
Свен Либих беше лидер на источногерманската крајнодесничарска сцена од 1990-тите и го водеше регионалниот огранок на експлицитно нацистичката организација „Крв и чест“ во Саксонија-Анхалт, кој беше забранет во 2000 година.
Подоцна организираше бројни демонстрации во неговиот роден град Хале, каде што локалниот огранок на германската разузнавачка агенција ги опиша активностите на Либих на национално ниво како „без преседан“.
Во последниве години, Либих енергично водеше кампања во поддршка на режимот на рускиот претседател Владимир Путин и неговата војна против Украина, продавајќи го рускиот ултранационалистички симбол „Z“ преку своите различни канали на социјалните медиуми, објави германскиот весник.
Тој, исто така, организираше протести низ Источна Германија, вклучувајќи го и митингот одржан за време на посетата на тогашната канцеларка Ангела Меркел на Фестивалот на операта во Бајројт, каде што ја повика „Меркеловата младина“ да го поддржи, алузија на Хитлеровата младина.
Либих, бил и непомирлив противник на ЛГБТК движењето.
© Vecer.mk, правата за текстот се на редакцијата
