Сириската државна новинска агенција САНА цитираше безбедносен извор кој изјави дека двајца сириски војници се ранети, а напаѓачот е убиен, без да даде дополнителни детали.
Бројот на повредените и сериозноста на нивните повреди би можеле да се променат со пристигнувањето на повеќе информации, изјави американскиот функционер, зборувајќи под услов да остане анонимен. Претходно, двајца сириски функционери за Ројтерс изјавија дека конвој од сириски воени сили и американски сили од коалицијата предводена од САД што се бори против Исламска држава бил нападнат.
Војската на Соединетите Американски Држави е распоредена во североисточна Сирија како дел од децениските напори за помош на курдските сили таму. Изворот за САНА изјави дека американските хеликоптери ги евакуирале повредените во американска база во сирискиот регион Ал-Танф во близина на ирачката граница.
© Vecer.mk, правата за текстот се на редакцијата
