Генералниот секретар на НАТО, Марк Руте, изјави дека Алијансата останува силно ангажирана на Западен Балкан, иако регионот не беше споменат во завршната декларација од Самитот во Хаг. Ова го потврди на прес-конференција по состанокот на Северноатлантскиот совет на највисоко ниво, што се одржа во холандската престолнина.
Не се работи за класична декларација какви што сме гледале во минатото, кога имаше десетици страници и параграфи кои опфаќаа широка тематика. Сметам дека тоа нема смисла. Овојпат се одлучивме за поконцизен пристап.
Руте потенцираше дека НАТО ја продолжува својата посветеност на стабилноста во Западен Балкан преку ангажмани во рамките на мисијата КФОР во Косово и во мисијата АЛТЕА во Босна и Херцеговина. Тој напомена дека неодамна го посети регионот, каде што остварил средби со косовските и босанските лидери, како и неформална вечера со српскиот претседател Александар Вучиќ во Брисел.
Остануваме активни во регионот и тесно соработуваме со Европската унија. Суштински, ништо не е изменето – иако во последната декларација се задржавме на три клучни теми во пет параграфи.
© Vecer.mk, правата за текстот се на редакцијата
