Напад со нож во метро станица во Токио- најмалку две лица се повредени

Јапонскиот радиодифузен сервис NHK објави дека напаѓачот бил виден како мавта со кујнски нож на перонот на една од станиците на линијата на метрото Намбоку, пренесува АП.

Полицијата во Токио уапси осомничен на местото на настанот под сомнение за обид за убиство и спроведува истрага, според NHK.

Полицијата одби да ги потврди медиумските извештаи, истакнувајќи дека сè уште не е издадено официјално соопштение за тековниот случај.

Сообраќајот бил привремено запрен поради „инспекција“ на вагоните на метрото, соопшти компанијата „Токио метро“.

Иако Јапонија е позната по својата безбедност, во последниве години има зголемен број напади на јавни места со употреба на ножеви или рачно изработени експлозиви, соопшти агенцијата.