Во силен напад со беспилотни летала врз Одеса, повредени се пет лица, меѓу кои и две деца на седум и деветгодишна возраст. Според информациите од локалните власти, децата се здобиле со труење од производи при согорување и се примени во болница. Повредени се и тројца возрасни, кои исто така добиваат медицинска грижа.
Нападот предизвика значителна материјална штета, при што беа оштетени повеќекатна станбена зграда и друга инфраструктура во градот. Пожарот што избувна во становите чија зграда беше погодена од остатоците на дроновите беше навреме изгаснат од противпожарните единици.
Властите информираат дека шест станови се целосно уништени, а уште 36 се со делумни оштетувања како резултат на нападот и пожарот што настанал потоа.
© Vecer.mk, правата за текстот се на редакцијата
