Пожарот бил изгаснат, но „по прелиминарна проверка, било откриено дека 16 лица повеќе не даваат знаци на живот“, објавија властите на градот Панжу, кој се наоѓа на околу 3.600 километри југозападно од Пекинг, во соопштение на нивната веб-страница. .
Досегашните податоци укажуваат дека пожарот настанал откако се запалила транспортната лента. Иако безбедноста на рудниците и рударите во Кина е подобрена во изминатите десет години, несреќите сè уште се чести, главно поради лошото спроведување на безбедносните правила.
Во февруари, 53 лица загинаа при уривање на рудник за јаглен во Внатрешна Монголија. Десетици од нив останаа под урнатините. Точниот број на загинати долго време не се знаеше, бидејќи властите со месеци не го соопштуваа бројот на загинатите. Дури во јуни откриле дека во несреќата загинале 53 лица.
© Vecer.mk, правата за текстот се на редакцијата
