Околу 7.600 „висококвалитетни“ работни места ќе бидат создадени во Обединетото Кралство како резултат на приливот на пари од големите американски компании, соопшти британската влада.
Британскиот премиер Кир Стармер го поздрави објавувањето на инвестициите, кое дојде еден ден пред тој да се сретне со Трамп.
Меѓу компаниите што ветуваат инвестиции во Велика Британија е компанијата за управување со средства Блекстоун, која ќе инвестира 90 милијарди фунти, покрај претходно објавените 10 милијарди фунти за развој на центри за податоци.
Другите компании вклучуваат инвестициска фирма Прологис со инвестиции од 3,9 милијарди фунти и софтверска компанија Палантир со 1,5 милијарди фунти.
Во меѓувреме, за време на средбата со Трамп во замокот Виндзор синоќа, британскиот крал Чарлс Трети го пофали американскиот претседател за неговата „лична посветеност“ во обидот да се стави крај на конфликтите низ целиот свет.
© Vecer.mk, правата за текстот се на редакцијата
