Германската полиција заедно со Службата за државна безбедност (BfV) започна истрага за нацистичките поздрави видени на видеото кое неодамна беше снимено на прославата на Октоберфест. Според медиумите, инцидентот се случил во понеделникот во германската покраина Саксонија.
На видео кое кружи на интернет, се гледаат тројца мажи и една жена како ја креваат десната рака облечени во традиционални баварски носии и ја пеат песната „Ерика“. Како што пишува Билд, еден од посетителите го направил забранетиот гест дури 14 пати за 16 секунди. По инцидентот полицискиот службеник изјавил дека видеото го предале на ресорното одделение.
Според Кривичниот законик на Германија, нацистичкиот поздрав и употребата на какви било симболи поврзани со нацистите се „противуставни“, а прекршителите можат да бидат испратени зад решетки до три години. Сепак, властите допрва треба да го откријат идентитетот на осомничените за ова злосторство.
Организаторите на Октоберфест се оградија од инцидентот, пишува Билд.
„Јасно се дистанцираме од таквите посетители, само сакаме нормално да го прославиме Октоберфест“, изјави Матијас Брауне, еден од организаторите.
Outrage erupts in Poland after a video emerged online of Germans celebrating Octoberfest in Saxony by listening to nazi songs and making Hitler salutes pic.twitter.com/ehNahmtdKn
— Visegrád 24 (@visegrad24) September 27, 2023
Портпаролот на полицијата Марсел Малхоу во понеделникот за „Билд“ изјави дека BfV отсега ќе го води случајот. BfV е агенција одговорна за истрага на случаи поврзани со екстремистички и терористички активности во Германија.
Инаку, песната „Ерика“ ја компонираше Хермс Нил во 1938 година и стана најпопуларна песна за марш на Вермахтот.
© Vecer.mk, правата за текстот се на редакцијата
