Владејачката хунта ги закажа изборите на крајот на јули, а исто така прогласи и крај на вонредната состојба. Првата фаза од ова гласање се одржува денеска, а уште две гласања ќе следат следниот месец.
Сè уште не е јасно кога ќе бидат објавени резултатите од гласањето, но се очекува да биде кон крајот на јануари, пренесува ДПА.
Меѓутоа, во пресрет на изборите, меѓународните набљудувачи и организациите за човекови права веќе ги опишаа како фарса. Според Хјуман рајтс воч, изборите служат само за легитимирање на моќта на генералите.
Гласањето ќе се одржи во голема мера во изборни единици што ги држи хунтата. Се проценува дека групите на отпор и бунтовниците сега контролираат повеќе од 50 отсто од земјата.
Војската воведе вонредна состојба откако ја собори демократски избраната лидерка на земјата, Аунг Сан Су Чи, со државен удар на 1 февруари 2021 година.
Потоа хунтата ги одложи ветените избори, наведувајќи го како причина насилството во земјата.
По државниот удар, Мјанмар е потопен во хаос, при што воените власти постојано отпорот го потиснуваат со сила.
© Vecer.mk, правата за текстот се на редакцијата
