Слободата на пловидба во теснецот меѓу Иран и Арапскиот Полуостров е од фундаментално значење, изјави Мелони за италијанската телевизија. Сепак, додаде таа, интервенцијата би значела „преземање чекор кон поголема вклученост“ во војната.
Ормускиот Теснец, главна поморска рута и единствен морски премин од Заливот до отвореното море, беше блокиран од Иран како одмазда за американските и израелските воздушни напади.
Трамп претходно ги повика сојузниците да помогнат во обезбедувањето на нафтените пратки низ теснецот, предупредувајќи дека НАТО ќе се соочи со лоша иднина доколку партнерите не помогнат, пишува Фајненшл Тајмс. Германија и другите сојузници ги одбија неговите барања, пренесе ДПА.
Мелони повика на „зајакнување“ на поморската мисија на Европската унија, „Аспидес“ (Aspides). Мисијата, формирана во 2024 година откако Хутите поддржани од Иран нападнаа неколку бродови, досега дејствуваше главно во Црвеното Море.
Шефицата на италијанската влада неколку пати повтори дека нејзината земја нема да учествува во израелско-американските напади против Иран.
© Vecer.mk, правата за текстот се на редакцијата
