Претседателот на Италија, Серџо Матарела упати велигденска порака до папата Франциск, во која посака сеќавањето на воскресението да ги инспирира припадниците на сите религии, како и неверниците, за стремежот кон општото добро да биде вкотвено во вредностите на правдата и правичноста, неопходни за мирен соживот и просперитет на народот.
„Нека оваа година Велигден, кој сите христијански цркви го слават на ист ден за прв пат по долго време, биде поттик за дијалог, единство и утеха, особено за заедниците кои страдаат од конфликти и несигурност ширум светот“, порача Матарела во пораката до папата Франциск по повод претстојниот Јубилеј на надежта, пренесе италијанската новинска агенција АНСА.
© Vecer.mk, правата за текстот се на редакцијата
