Петгодишно момче на својот iPad гледал римејк на филмот „The Karate Kid“ кога жената пред него го замолила да го исклучи уредот, пренесува Daily Mail.
Мајката на момчето тврди дека малото момче го гледало филмот со намален тон, а една жена која седела четири реда напред „станала агресивна“ и „навредувала“.
Тврди и дека сопругот на жената ја фатил партнерката за врат. ВИДЕОТО од тепачката погледнете ја на следниот ЛИНК.
Кога пилотот бил информиран за сѐ, решил принудно да слета во Порто, каде полицијата ги чекала учесниците во инцидентот.
После сѐ, мајката на момчето најавува дека ќе ја тужи авиокомпанијата, инсистирајќи дека нејзиното семејство е жртвата.
„Искусивме расна злоупотреба, дискриминација и физички напад. Мојот син остана многу исплашен и вознемирен“, изјави таа за британските медиуми.
Таа смета дека кабинскиот екипаж требало да го „поддржи нејзиното семејство“ и дека не добила никаков одговор од EasyJet.
Се претпоставува дека учесниците во инцидентот морале сами да си организираат превоз од Порто, откако биле „симнати“ од летот.
Авиокомпанијата објави кратко соопштение, нагласувајќи дека „безбедноста им е највисок приоритет“ и дека „не толерираат однесување поврзано со инциденти“.
© Vecer.mk, правата за текстот се на редакцијата
