Кога се симна од говорницата на ОН, каде што официјално ја призна Државата Палестина, Макрон синоќа шеташе по улиците на Њујорк и веројатно не очекуваше дека ќе мора да се врати пеш до француската амбасада, објавува „Ле Фигаро“.
Макрон се најде заглавен на раскрсница поради претседателската колона на Доналд Трамп.
„Жал ми е, господине претседателе, сè е блокирано во моментов“, му рече еден полицаец, очигледно вознемирен од снимката објавена од францускиот портал Брут.
Без двоумење, Макрон потоа го повика својот американски колега за да се обиде да најде решение.
„Како сте? Погодете што. Чекам на улицата во моментов затоа што сè е блокирано поради вас“, се пошегува тој со Трамп.
Сепак, тој мораше да го продолжи своето патување низ улиците на Њујорк околу половина час, држејќи го телефонот на уво и разговарајќи со Трамп.
Но, оваа веќе необична сцена не завршува тука.
По патот, Макрон ја искористил можноста да се фотографира со минувачите.
Кога еден маж, кој се фотографирал со него, го бакнал во главата, Макрон реагирал: „Не, не, во ред е, момци“, обраќајќи се кон својот тим за обезбедување.
© Vecer.mk, правата за текстот се на редакцијата
