Макрон и Франција жестоко реагираат на новиот трговски договор меѓу САД и ЕУ

Жестоки реакции во Париз по новиот трговски договор САД-ЕУ

Францускиот претседател Емануел Макрон изрази силна лутина кон новиот трговски договор меѓу САД и Европската Унија, за време на состанок на Владата во средата, критикувајќи ја ЕУ дека, според него, не била „доволно застрашувачка“ за да обезбеди подобri услови.

Договорот беше објавен во неделата, а во европската јавност преовладува став дека значително им оди во прилог на САД, на сметка на ЕУ. Особено во Франција, договорот беше остро критикуван, но Макрон првично не реагираше јавно. Тоа се смени во средата, кога јавно ги изрази своите резерви и незадоволство.

Европа сè уште не се доживува себе си како вистинска сила. За да бидете слободни, мора да ве почитуваат и да се плашат од вас. Ние не сме доволно стравувани.

Сепак, Макрон додаде дека настапот на Франција и понатаму ќе биде цврст и дека ова не е крај на приказната. Посочи дека сè уште е можно да се постигне поповолен договор за Европа.

Франција отсекогаш имала цврст и одлучен пристап. Така ќе продолжи и понатаму.

Францускиот премиер Франсоа Бајру беше уште подиректен, изјавувајќи дека станува збор за „црн ден“ во кој, како што рече, слободните народи се согласуваат да се покорат.

Што значи договорот?

Новата трговска спогодба предвидува 15% царини на речиси сите извозни производи од ЕУ, како и обврска ЕУ да инвестира дополнителни 600 милијарди долари во САД. Дополнително, Европската Унија ќе купи и американска енергија во вредност од 750 милијарди долари.

Овој потег беше остро осуден од целиот политички спектар во Франција, каде што е оценет како откажување од суверенитет во полза на американските интереси.

Трговскиот договор што Урсула фон дер Лајен го заврши со Доналд Трамп е политички, економски и морален фијаско. Најмалку што можеме да направиме е да го признаеме овој пораз, наместо да побараме Французите, кои се први жртви, да се радуваат.

Министерот за европски прашања, Бенжамен Адад, повика ЕУ остро да одговори и предложи одмазднички мерки, како воведување данок за американските дигитални услуги или исклучување на американските технолошки компании од јавните набавки.

Бенжамен Адад порача дека САД отворено ја напуштаат слободната трговија користејќи економски притисок и непочитување кон правилата на Светската трговска организација, предупредувајќи дека ЕУ мора брзо да реагира или ризикува целосен неуспех.

Сепак, некои европски лидери, како претседателката на Европската комисија Урсула фон дер Лајен, германскиот канцелар Фридрих Мерц и италијанската премиерка Џорџа Мелони, искажаа претпазлив оптимизам кон договорот.

Договорот претставува една од најголемите трговски победи за Доналд Трамп, откако неговото рано најавено зголемување на царините предизвика нестабилност на пазарите.

Волфганг Нидермерк од најголемата трговска асоцијација во Германија обвини дека ваквите неповолни услови произлегле од недоволната конкурентност на ЕУ.

Европската комисија едноставно немаше силна преговарачка позиција.

Еден анонимен амбасадор за Financial Times изјави дека ЕУ била „прегазена од американската преговарачка машинерија“.

Трамп точно ја пронајде границата на нашата издржливост.