Националната метеоролошка служба (NWS) во Лос Анџелес предвидува дека од утре до вторник во градот ќе дуваат ветрови Санта Ана со брзина до 130 км/ч, што може повторно да ги разгорат пожарите.
Соопштението дојде откако пожарникарите известија дека постигнале добар напредок во напорите да го локализираат пожарот Итон во близина на Палисадес, бидејќи температурите паднале и ветровите се намалиле во текот на викендот.
Од избувнувањето на пожарите на 7-ми јануари во областа на Лос Анџелес, најмалку 27 луѓе загинаа, а повеќе од 12.000 згради се оштетени или целосно уништени во различни градски населби. Неколку жители се уште се водат како исчезнати.
Пожарот Итон во близина на Пасадена моментално е локализиран околу 73 отсто, како и пожарот Палисадес, кој ги избриша богатите станбени населби на западниот раб на Лос Анџелес, горејќи 96 квадратни километри, според податоците на Калифорниското одделение за шумарство и заштита од пожари.
На илјадници жители им било дозволено да се вратат дома благодарение на подобрените временски услови за време на викендот, но е упатен нов повик до сите во регионот да бидат многу внимателни во случај да бидат принудени повторно да се евакуираат поради променливите временски услови.
Damaging #SantaAnaWinds and extreme fire weather is expected Mon through Tue, with winds peaking Mon evening through Tue morning. Wind will be strongest along the traditional wind prone corridor of #LosAngeles and #Ventura counties.
— NWS Los Angeles (@NWSLosAngeles) January 19, 2025
NOW is the time to prepare! #CAwx pic.twitter.com/ADvJ9GJs4y
Метеоролошката служба постојано предупредува дека ветровите што го разгоруваат пламенот може да резултираат со нови пожари предизвикани од преостанатите искри.
Гаснењето од воздух е оневозможено поради силните ветрови, а многу сувата вегетација го фаворизира ширењето на постоечките и новите пожари.
© Vecer.mk, правата за текстот се на редакцијата
