-Никогаш не планираме ништо однапред. Знаеме дека имаме аргументи, јасна, разбирлива позиција. Ќе ја презентираме, рече рускиот министер, одговарајќи на новинарско прашање за проценка на веројатноста за успех на претстојната средба меѓу рускиот претседател Владимир Путин и американскиот претседател Доналд Трамп, пренесуваат руските мекидуми.
Тој, исто така, рече дека „многу е веќе направено за време на посетите на специјалниот пратеник на американскиот претседател Стив Виткоф“ кој разговараше со Путин во Москва во име на претседателот Трамп.
-Се надевам дека ќе го продолжиме овој корисен разговор, рече Лавров, кој е дел од руската делегација во Алјаска, според соопштението од руското Министерство за надворешни работи.
„Никогаш не правиме планови однапред. Знаеме дека имаме аргументи, јасна и разбирлива позиција. Ќе го презентираме тоа“, рече Лавров.
Новинарите во Алјаска го снимија рускиот министер за надворешни работи Сергеј Лавров како носи сив блузон со натписот „СССР“ видлива под црниот елек.
На каналот Телеграм на весникот „Известија“ беше објавено видео од Лавров како оди од својот автомобил до хотел во Енкориџ.
Самитот Путин-Трамп ќе се одржи во воената база Елмендорф-Ричардсон во Енкориџ.
Централната тема на состанокот ќе биде решавањето на украинската криза, изјави претходно помошникот на рускиот претседател, Јуриј Ушаков.
Сојузот на Советските Социјалистички Републики (СССР) беше социјалистичка федерација што постоеше од 1922 до 1991 година, составена од 15 федерални републики, вклучувајќи ги Русија, Украина, Белорусија, балтичките држави, земјите од Централна Азија и Кавказ. Москва беше главен град.
СССР одигра клучна улога во светската историја на 20 век, особено за време на Студената војна, кога беше една од двете глобални суперсили заедно со Соединетите Американски Држави. Со распадот на СССР во 1991 година, беа создадени независни држави, а геополитичката карта на светот значително се промени.
© Vecer.mk, правата за текстот се на редакцијата
