Во инцидентот учествувале авион на А350 на Ер Чајна и Боинг 767 на кинескиот карго превозник ДФ Ерлајнс, кои наводно се разминале на растојание од само 90 до 120 метри.
Инцидентот се случил на 6 јули на надморска височина од 36.000 стапки (речиси 11 километри) над оддалечена област во Сибир, јавија весниците. Авионот на Ер Чајна бил на пат од Шангај до Милано и превезувал голем број италијански и други европски патници, според Ла Република. Карго авионот на СФ Ерлајнс летал од Будимпешта до кинескиот град Ежоу.
Според Саут Чајна Морнинг Пост, кинеските воздухопловни власти сега истражуваат зошто авионот на Ер Чајна се искачил од 34.100 стапки и дали овој маневар следел инструкција од руската контрола на летање. Руските контролори наводно издале итна наредба до пилотската кабина да преземе акција за избегнување откако бил идентификуван ризикот.
Кинескиот весник ја покрена можноста за проблеми со комуникацијата меѓу рускиот контролор и екипажот на Ер Чајна. Во нивниот извештај се наведува дека на снимка, можело да се слушне глас од земјата како прашува на англиски: „Дали се искачувате со инструкција или без инструкција? Потврдете, ве молам.“ Одговорот од пилотската кабина е: „Не, благодарам.“
Како што пренесе ДПА, во своите извештаи двата весника цитираат податоци од услугата за следење летови Флајтрадар24 за да ги поддржат временската рамка и извештаите за надморска височина.
© Vecer.mk, правата за текстот се на редакцијата
