Хорор во Шведска: 14 годишно момче рани шест лица

Полицијата ја примила пријавата кратко пред 2 часот наутро, а бројни патроли веднаш биле испратени на местото на настанот. Тие ги пронашле повредените на улица, кои потоа биле пренесени во болница. Степенот на нивните повреди засега е непознат.

По пукањето, тројца од ранетите побарале засолниште во блискиот ресторан, додека другите биле пронајдени на тротоарот во близина на местото на настанот. Сето тоа се случило во прометниот дел од градот, во близина на кафулиња, продавници и станбени згради.

 Полицијата го опколила поголемиот дел од центарот на Гавле преку ноќ додека истражувала инцидентот. Според портпаролот на полицијата, Тобијас Ален-Свалбр, „нема индикации дека станува збор за терористички напад“, и тој нагласил дека ситуацијата е под контрола и дека нема закана за јавноста.

 

Video från centrala Gävle där sex personer skadats i skottlossning. Klipp från Flashback. pic.twitter.com/1xvGH0uupV

— Jonathan Kärre (@JonathanKarre) October 4, 2025

 

14-годишно момче е уапсено во врска со пукањето и се очекува да биде испрашано подоцна денес под сомнение за обид за убиство. Врската помеѓу сторителот и жртвите сè уште не е позната.