На почетокот на декември, 300 холандски војници со два противвоздушни системи „Патриот“ и системи против беспилотни летала ќе одат во Полска за да ги заштитат испораките на воена опрема за Украина од руски напади, пишува холандски НОС.
Овие противвоздушни системи не се наменети за одбивање на напади на украинска територија, додаваат холандските медиуми.
Холандскиот министер за одбрана Рубен Брекелманс изјави дека распоредувањето имало за цел заштита на источното крило на НАТО, кое служи како клучна воена база за поддршка на Украина, како и одвраќање и обесхрабрување на Русија.
Мисијата ќе трае најмалку половина година
Холандската мисија ќе трае најмалку до крајот на мај. Се забележува дека кога двата системи „Патриот“ ќе бидат привремено распоредени во Полска, едниот ќе остане во Холандија, што ќе овозможи одржување на националната безбедност.
Министерот додаде и дека активностите на НАТО во Полска и одвраќањето на Русија придонесуваат за заштита на Холандија.
Претходно, Холандија се согласи да распореди борбени авиони Ф-35 во Полска, кои ќе го следат воздушниот простор на НАТО заедно со нивните норвешки колеги од 1 септември до 1 декември.
© Vecer.mk, правата за текстот се на редакцијата
