Летот на „Виз Ер“ од Аликанте, Шпанија, до аеродромот Фјумичино во Рим во средата наиде на силни турбуленции, објави Мирор.
Во видео објавено на социјалните мрежи насловено како „Моменти на ужас на летот“, може да се слушнат преплашени патници како врескаат во внатрешноста на Ербас А321.
Потсетниците за безбедносни појаси се вклучени, трепка црвено предупредувачко светло и повеќето светла во кабината се изгаснати.
Amateur footage by a passenger on a Wizz Air A321 that met severe turbulence on Wednesday, over Italy. Jet was on a flight from Italy to Spain, Crew diverted safely to Bologna. Updates when possible. pic.twitter.com/W2Ji8fKAqn
— Air Safety #OTD by Francisco Cunha (@OnDisasters) August 23, 2025
Италија беше погодена од екстремни временски услови ова лето, а Рим доби сериозно предупредување за грмотевици. По неколку обиди за слетување, пилотот се откажа од планот и безбедно слета во Болоња, оддалечена повеќе од 400 километри.
Летот од Аликанте до Рим обично трае помалку од два часа, но поради доцнења и силни турбуленции, слета во Болоња речиси три часа откако патниците требаше да пристигнат во Рим.
Летот W4 6038 на „Виз Ер“ од Аликанте до Рим беше пренасочен кон аеродромот во Болоња откако не можеше безбедно да слета поради лоши временски услови на аеродромот Фјумичино.
„Авионот слета безбедно и без инциденти во Болоња во 3:57 часот по локално време. На патниците им беше обезбеден превоз од Болоња до Рим. Временските услови се надвор од контрола на авиокомпанијата, а безбедноста останува врвен приоритет на „Виз Ер“, соопшти авиокомпанијата.
Исто така, додаде дека патниците кои сами организирале дополнителен превоз ќе имаат право на поврат на средствата.
© Vecer.mk, правата за текстот се на редакцијата
