„Нема да ја запреме војната додека сите не се вратат дома“, рече Кац за време на посетата на воениот објект на границата со Газа каде што на ослободените заложници треба да им се пружи прва помош, пишува „Тајмс оф Израел“.
Тој додаде дека дошол да се увери дека израелските вооружени сили се подготвени да ги заштитат населбите и војниците од секој можен напад, дури и за време на прекин на огнот.
Кац, исто така, вети дека армијата ќе остане во тампон зоната долж границата со Газа и дека силно ќе одговори на секое прекршување на примирјето или закана.
Денеска стапи на сила прекинот на огнот меѓу Израел и Хамас, постигнат пред неколку дена.
© Vecer.mk, правата за текстот се на редакцијата
